तेह्थुम । जाडो मौषममा यदाकदा पर्ने हिउँ यस वर्ष पनि पुसको दोस्रो सातामा परेपछि पुर्वी पहाडी जिल्ला तेह्थुममा हिउँमा रमाउनेहरुको भिड लाग्यो ।
हिउँ परेपछि पुर्वी पहाडी क्षेत्र तेह्थुम ,भोजपुर , संखुवासभाका विभिन्न ठाउँहरुमा पुर्वी तराईका साथै छिमेकी मुुलुक भारत देखिका मानिसहरु हिउँमा रमाउन पुगेका हुन ।
तीन दिन अघि परेको हिउँले सेताम्मे ढाकिएका पहाडि क्षेत्रहरुमा हिउँ खेल्न सुनसरी ,मोरगं ,झापा लगायतका ठाउँवाट मानिसहरु पुगे ।
हिउँ परेपछि जाडो वढ्ने भएपनि जाडोको प्रवाह नगरी युवायुवतिका साथ पारिवारिक रुपमा समेत मानिसहरु तेह्थुमको तिनजुरे लगायतका ठाउँहरुमा पुगेर रमाइलो गरेका छन । खास गरी हिउँमा रमाउन युवाहरु भेला भएर हिउँ परेको पहाडी क्षेत्र जानेका छन । 
उच्च पहाडी क्षेत्रमा सवै वर्ष हिउँ पर्ने गरी पनि मध्यपहाडी क्षेत्रहरुमा समेत यदाकता पर्ने हिउँमा रमाउन तराई क्षेत्रवाट योजना वनाएर मानिसहरु जाने गरेका छन । मोरगंको वेलवारीवाट हिउँ खेल्न तेह्थुमको तीनजुरे पुगेका युवाहरु पहिलो पटक हिउँ खेल्न पाउदा धेरै नै रमाइलो लागेको वताउछन । पुर्वी पहाडी क्षेत्रमा हिउँ परेपछि तराई क्षेत्रमा पनि केही दिन देखि जाडो बढेको महशुस हुन थालेको छ ।
