इटहरी । सामाजिक कार्यका क्षेत्रमा महत्वपुर्ण योगदान पुर्याउदै आएको लायन्स क्लव अफ इटहरी स्मार्ट सिटीको पदस्थापना एक औपचारिक कार्यक्रमका विच सम्पन्न भएको छ ।
लायन्स क्लव अफ इटहरी स्मार्ट सिटीकी अध्यक्ष लक्ष्मी बराल गौतमको अध्यक्षता तथा लायन्स क्लवका डिष्ट्रिक गर्भरन रेवतबहादुर कार्कीको प्रमुख आतिथ्यमा पदस्थापन कार्यक्रम सम्पन्न भएको हो ।
मुक्तिनाथ दाहालको अध्यक्षतामा चयन भएको लायन्स क्लव अफ इटहरी स्मार्ट सिटीको नयाँ कार्यसमितिको पदस्थापन गरिएको हो । ३८ सदसिय कार्य समितिलाई इटहरीको दुर्गा पाटी प्यालेसमा आयोजित औपचारिक कार्यक्रममा पदस्थापन गरियो ।
नयाँ कार्य समितिको प्रथम उपाध्यक्षमा राजन भेटवाल, सचिवमा कुशल विष्ट र कोषाध्यक्षमा गायत्री दाहाल भट्टराई चयन भएका छन । पदस्थापन कार्यक्रममा अध्यक्ष , प्रमुख अतिथी लगायतले नयाँ कार्य समितिको पदस्थापन गरेका थिए ।
कार्यक्रममा लायन्स क्लवका निवर्तमान गर्भनर इन्द्र कार्की राजन सेकेन्ड भाइस डिष्ट्रिक गर्भनर नरनाथ सापकोटा , लायन्स क्लव अफ इटहरी स्मार्ट सिटीका संस्थापक अध्यक्ष राजेन्द्र केशरी घिमीरे , इटहरी लेडि जेसिजकी अध्यक्ष गिता सुवेदी लगायतका अतिथीहरुको उपस्थिती रहेको थियो ।
