पाँचथर । यासोक जन सेवा समाज पाँचथरले विद्यालयका छात्राछात्रहरुलाई न्यानो कपडा र स्टेसनरी बितरण गरेको छ । कुम्मायक गाउँपालिका—५ को गुह्येश्वरी निम्न माध्यमिक विद्यालयका ५६ जना छात्राछात्रलाई शनिवार न्यानो कपडा र स्टेसनरी बितरण गरेको हो ।
मनकारी दाताहरुको सहयोगमा कक्षा १—८ का ५६ छात्राछत्रहरुलाई उक्त समाग्रीहरु बितरण गरिएको समाजका अध्यक्ष राजेन्द्र अधिकारीले जानकारी दिनुभयो । समाजको समन्वयमा सिभिल बैंक फिदिम शाखा प्रमुख राजु पौड्यालको १० हजार, जिल्ला अस्पतालका हेल्थ असिस्टेन सोमनाथ दङ्गाल १० हजार, फिदिम १ घर भइ हाल मलेसियामा कार्यरत कुमार ओझा ५ हजार र सापकोटा पुस्तक पसलका संचालक नुम सापकोटाको ५ हजार गरी ३० हजार मुल्यको शैक्षिक सामाग्री बितरण गरिएको समाजकी कोषाध्यक्ष देविमाया रिमाल (बुढाथोकी)ले बताउनुभयो ।
चिसो मौषम बढेसंगै बालबालिकाहरुलाई दाताको सहयोगमा समाजले स्कुल सुइटर, तथा स्टेसनरी सामाग्री बितरण गरेकोे हो । शैक्षिक सामाग्री बितरण कार्यक्रमको प्रमुख अथिति गाउँपालिका अध्यक्ष जय बहादुर चेम्जोङ बिषेस अथिति प्रमुख प्रशासकिय अधिकृत गणेश अधिकारी विद्यालयका प्र.अ भक्त बहादुर तामाङ लगायतका अथितिहरुले सामुदायिक विद्यालयका जेहेन्दार र विपन्न बालबालिकाको शैक्षिक गुणस्तर सुधारमा समाजले खेलेको भूमिकाको प्रशंसा गर्नुभएको थियो । कार्यक्रम विद्यालय व्यवस्थापन समितिका अध्यक्ष इन्द्रप्रसाद चेम्जोङको अध्यक्षतामा सम्पन्न भएको हो ।