धनकुटा । सिचाई सुविधा नभएको मौषमी वर्षा समेत कम हुने गरेको कारण उब्जनी समेत न्युन हुने रुखो पाखो जमिनमा अनार फलाएर गर्दा के हुदैन र भन्ने उदाहरणका पात्र वनेका छन धनकुटा ६का किसान मुकुन्द पोखरेल । केही वर्ष अघि सम्म खेतीका लागि मौषमी वर्षाको पानीमा भर परेर मकै र कोदो लगाउने पोखरेलले यती बेला अनार लगायतका फलफुल र तरकारी फलाएर मनग्गे आम्दानी लिन थालेका हुन ।
छिमेकी मुलुक भारतसंग अनारका लागि भर पर्नु परिरहेको समयमा पोखरेलले व्यवसायीक रुपमा अनार खेती लगाएर अनारमा आत्मनिर्भरता वन्नु पर्नेमा जोड दिन थालेका छन । निर्वाहमुखी बालीका रुपमा मकै र कोदो लगाउने गरेपनि पर्याप्त पानी नहुने गरेका कारण मकै र कोदो पनि मिहिने र लगानी अनुसार नफलेर हैरान वनेका पोखरेलले अरु जमिन लिजमा लिएर कृषि फर्म सञ्चालनमा ल्याएर मनग्गे आम्दानी लिन थालेका हुन ।
पोखरेलले अनारसंगै टमाटर बाली लगायत तरकारी जन्य बालीबाट समेत राम्रो आम्दानी लिने गरेका छन । व्यवसायीक अनार खेती लगाएका पोखरेलले अनारबाट राम्रो आम्दानी लिन सकिने वताउछन । तीन वर्ष अघि लगाइएको अनारले अहिले फल दिन थालेको वताउदै पोखरेल बजारमा अनारको माग अधिक हुने गरेका कारण पनि बजार नपाउने चिन्ता नहुने समेत वताउछन ।
पोखरेलको कृषि फर्ममा अनार सहित अन्य फलफुल ,तरकारी वाली लगाइएको छ भने गाई ,वाख्रा लगायतका पशु पालन समेत गरिएको छ । पछिल्ला केही वर्ष यता देखि पुर्वी नेपालमा व्यवसायीक रुपमा कृषि फर्म सञ्चालन गर्नेहरु वढीरहेका छन ।
