धनकुटा । सिपका माध्यमबाट महिलाहरुलाई आत्मनिर्भर वनाउने उद्धेश्य सहित धनकुटाको सान्नेमा सञ्चालित सात दिने हस्तकलाका सामाग्री वनाउने तालिम सम्पन्न भएको छ ।
महिला सशक्तिकरण कार्यक्रम अन्तर्गत पाख्रीवास नगरपालिका वडा नम्बर २ को आयोजना तथा भावना सिलाई प्रशिक्षण केन्द्र धनकुटाको प्राविधिक सहयोगमा सञ्चालित तालिमको समापन कार्यक्रममा सहभागीहरुलाई प्रमाण पत्र वितरण गरिएको हो ।
गुडिया,गलैचा चकटी ,गमला फुलदानी लगायतका हस्तकलाका सामाग्रीहरु वनाउने तालिममा पाख्रीवास नगरपालिका २ का १७ जना महिलाहरुको सहभागिता रहेको थियो । 
धनकुटा जिल्लाको पाख्रिबास नगरपालिका वडा नम्वर २ का अध्यक्ष तोर्ण बहादुर खपाङ्गीको अध्यक्षता तथा पाख्रीवास नगरपालिकाकी उपप्रमुख देवकला तिम्सिनाको प्रमुख आतिथ्यतामा भएको समापन कार्यक्रममा प्रमुख अतिथीले सहभागीहरुलाई प्रमाण पत्र वितरण गरेकी थिइन । 
तालिम समापन कार्यक्रम वडा सचिव ठगेन्द्र अधिकारीले सञ्चालन गरेका थिए ।
तालिममा प्रशिक्षण भावना सिलाई प्रशिक्षण केन्द्रकी सञ्चालिका भावना मल्ल ठकुरीले दिएकी थिन भने तालिमको संयोजन कोकिला भण्डारीले गरेकी थिइन ।
