इटहरी । सडक क्षेत्रबाट उद्धार गरिएका मानिसहरुलाई आश्रय दिदै आएको माया घर नेपाल इटहरीलाई दाताहरुको सहयोग जुट्ने क्रम जारी रहेको छ । पछिल्लो समयमा काठमाडौ निवासी मदनदेव आचार्यको परिवारले स्वर्गिय आफना पितृहरुको स्मृतिमा माया घर नेपाललाई एउटा कोठा वनाएर हस्तान्तरण गरेको छ ।
आफना स्वर्गिय वुवाआमा शिवप्रसाद आचार्य प्रेमकुमारी आचार्य र हजुरवुवा हजुरआमा मेदनीप्रसाद आचार्य र बालकुमारी आचार्यको स्मृतिमा ४ लाखको लागतमा निर्माण गरिएको कोठा हस्तान्तरण गरेका हुन।
मदनदेव आचार्य श्रीमती उमादेवी आचार्य र विज्ञानदेव आचार्य तथा श्रीमती विमला आचार्यको तर्फबाट कोठा निर्माण गरी आफना पितृहरुको नाममा एउटा कोठाको लागि चाहिने सम्पुर्ण सामाग्रीहरु उपलव्ध गराएर संस्थाकी अध्यक्ष भागवत मञ्जरी राधिका दासीलाई हस्तान्तरण गरेका छन ।
आचार्य परिवारद्धारा निर्माण गरिएको भवन उद्घाटन सहित हस्तान्तरण कार्यक्रममा संयोजक मोहन अधिकारी, माया घर नेपालको सचिव सुभद्रा प्याकुरेल लगायतको उपस्थिती रहेको थियो । सो अवसरमा माया घर नेपालले सहयोगदाताहरुलाई सम्मान गरेको थियो ।