काठमाडौं । फिफा विश्वकप २०२६ को अन्तिम क्वार्टरफाइनलमा अर्जेन्टिनाले स्विट्जरल्यान्डविरुद्ध सुरुआती अग्रता बनाएको छ। अमेरिकाको कान्सास सिटी स्टेडियममा जारी खेलको १०औँ मिनेटमा एलेक्सिस म्याक एलिस्टरले गोल गर्दै अर्जेन्टिनालाई १–० ले अघि बढाएका हुन्।
खेलको सुरुदेखि नै दबाब बनाएको अर्जेन्टिनाले लगातार आक्रमण गरिरहेको अवस्थामा कप्तान लियोनल मेसीको सटीक कर्नर पासलाई म्याक एलिस्टरले उत्कृष्ट हेडमार्फत गोलमा परिणत गरे। उनको शक्तिशाली हेडर रोक्ने अवसर स्विट्जरल्यान्डका गोलरक्षकले पाएनन्।
अग्रता लिएपछि अर्जेन्टिनाले बलमाथिको नियन्त्रण कायम राख्दै खेललाई आफ्नो पक्षमा राख्ने प्रयास गरिरहेको छ। यता स्विट्जरल्यान्ड भने बराबरी गोल फर्काउने लक्ष्यका साथ आक्रामक खेल प्रस्तुत गरिरहेको छ।
दुवै टोली सेमिफाइनल यात्रा सुनिश्चित गर्ने लक्ष्यसहित मैदानमा उत्रिएका छन्। यस खेलको विजेताले फिफा विश्वकप २०२६ को अन्तिम चारमा स्थान बनाउनेछ। खेल जारी छ।
