दुहबी नगर कार्य समितिमा आयोजित छलफल कार्यक्रममा राप्रपाले विभिन्न तहमा उम्मेदवार बनाउँदा अबदेखि ५० प्रतिशत प्राइमरी छनौट प्रक्रिया अपनाउने भएको पुर्व मन्त्री सुब्बाले जानकारी दिनुभयो । साथै राप्रपाले संगठन सुदृढीकरण पनि प्राथमिकतामा राखिएको जानकारी दिनुभयो ।
पुर्व मन्त्री सुब्बाका अनुसार केन्द्र, प्रदेश, जिल्लास्तरीय नेता तथा जनवर्गीय संगठनका प्रतिनिधिसमेत गरी करिब ९ सय जना नेता÷कार्यकर्तालाई एकैसाथ संगठन विस्तारका लागि भूगोल केन्द्रित जिम्मेवारी दिइएको छ ।
‘देशभरका ७ सय ५३ वटै स्थानीय तह, ६ हजार सात सय ४३ वटै वडा र प्रवासमा समेत यो जिम्मेवारी तोकिइसकिएको छ,’ उहाले भन्नुभयो , ‘नेताहरूलाई ६ महिनासम्म तोकिएअनुसार भूगोलमा संगठन विस्तार र सुदृढीकरणको काम गर्न जिम्मेवारी दिइएको हो।’ भूगोल तोकिएका नेताहरूले राजसंस्था, हिन्दुराष्ट्र, संघीयतासम्बन्धी अवधारणालाई जनतासमक्ष पु¥याउनुपर्नेछ। भ्रष्टाचारविरूद्ध पार्टीको अवधारणालाई प्राथमिकतामा राख्न समेत भनिएको छ।
राप्रपाले अनलाइनबाटै साधारण सदस्य र सक्रिय सदस्य आवेदन फारम भर्न मिल्ने व्यवस्थासमेत मिलाएको छ। ‘आर्थिक सहयोगसमेत अनलाइनबाटै गर्न मिल्ने व्यवस्था मिलाएका छौं,’ उहाँले भन्नुभयो । राप्रपाले एक वर्षभित्र सक्रिय सदस्य संख्या दुई लाख पु¥याउने लक्ष्यसमेत राखेको छ।
संगठन सुदृढीकरणलाई प्राथमिकतामा राखेको राप्रपाले जिम्मेवारीमा रहेका सबैका लागि एकबाट ३ जना सदस्यता अभियान सञ्चालन गर्ने भएको छ । राप्रपाले ६ महिनासम्म यी कार्ययोजनामा काम गरेपछि जनजीविकाका सवाल र मान्यता स्थापनाका लागि जनदबाबका कार्यक्रम अगाडि बढाउने सङ्कल्प लिएको छ ।