इटहरी । शिक्षा आर्जनका साथै चौतर्फी रुपमा विद्यार्थीको विकासमा जोड दिदै विगत ९ वर्ष देखि उच्च शिक्षालय तथा माध्यमिक विद्यालय संघ नेपालले सञ्चालन गर्दै आएको हिसान स्पोट्स मिट यस वर्ष पनि हुने भएको छ ।
हिसान सुनसरीले प्रेस मिटको आयोजना गरी यही माघ ६ गते देखि १४ गते सम्म हिसान स्पोष्ट्स मिट आयोजना गरिने जानकारी दिएको हो । हिसान सुनसरीमा आवद्ध ३७ शिक्षालयका २२सय विद्यार्थीको प्रत्यक्ष तथा १०हजार विद्यार्थीको अप्रत्यक्ष सहभागिता हिसान स्पोष्ट्समा रहने हिसान सुनसरीका अध्यक्ष सागर भट्टराईले जानकारी दिए ।
त्यसै गरी हिसान सुनसरीको विद्यालय शाखा अन्तगर रहेको हिसान स्कुल इटहरीले पनि सोही समयमा प्रथम हिसान स्कुल स्पोष्ट्स मिट आयोजना गर्ने समेत जानकारी गराइयो ।
हिसान स्पोष्ट्र्स मिट अन्तरगत हिसानमा आवद्ध ३७ शिक्षालयका कक्षा ११ र १२का विद्याथीले खेलकुदका साथै हाजिरी जवाफ , वक्तृत्वकला , वुद्धिचाल प्रतियोगिता सहित भलिवल , टेवलटेनिस , व्याडमिन्टन लगायतका खेलकुदका गतिविधि सञ्चालन हुने छ ।
हिसान स्पोष्ट्र्स मिट यही माघ १४ गते धरानको सियोन स्कुलमा समापन कार्यक्रम आयोजना गरिने छ । त्यसै गरी प्रथम हिसान स्कुल स्पोष्ट्र्स इटहरीमा कक्षा १ देखि १० सम्मका विद्यार्थीले खेलकुद प्रतियोगितामा प्रतिस्पर्धा गर्ने समेत पत्रकार सम्मेलनमा जानकारी गराइएको थियो ।
पत्रकार सम्मेलनमा हिसान सुनसरीका अध्यक्ष सागर प्रसाद भट्टराई ,वरिष्ठ उपाध्यक्ष पेशल पोखरेल, हिसान केन्द्रिय सदस्य मुकुन्द घिमिरे, हिसान प्रदेश वरिष्ठ उपाध्यक्ष गणेश दुलाला,जिल्ला सल्लाहकार केशव खड्का र हिसान स्कुल ईटहरीका इन्चार्ज राम कालाखेती लगायतले पत्रकारहरुका जिज्ञासाको जवाफ दिएका थिए
