मोरगं । विद्यार्थीको आँखाको स्वास्थ्यलाई मध्यनजर गर्दै मोरगंको सुन्दरहरैचा नगरपालिकाका चार वटा विद्यालयहरुमा आँखा परिक्षण शिविर आयोजना गरिएको छ ।
नगर बाल सञ्जाल सुन्दरहरैचा र लायन्स क्लव अफ बासबारीको संयुक्त आयोजनामा सुन्दरहरैचाका श्री मावि ,शिक्षा निकेतन ,ज्योति स्कुल र टेन्डर फिट बोर्डिङ स्कुलमा आँखा परिक्षण शिविर सञ्चालन गरिएको हो ।
विद्यालयमा अध्ययन गर्ने विद्यार्थीहरुको पठनपाठनमा आँखाको समस्या भएमा कठिनाई हुने तर्फ मध्यनजर गर्दै आँखा स्वास्थ्यमा ध्यान दिदै आँखा परिक्षण शिविर सञ्चालन गरिएको नगर बाल सञ्जाल सुन्दरहरैचाका अध्यक्ष आषिश सुन्दासले वताए ।
योगदान रास्ट्र नेपालको सह आयोजना रहेको आँखा परिक्षण शिविरमा नव दृस्टि आँखा अस्पतालको प्राविधिक सहयोग रहेको थियो ।
आँखा परिक्षण शिविरमा ४ सय ६० जना बढी विद्यार्थीहरुको आँखा जाँच गरिएको नगर बाल सन्जालका सचिब पुजा न्यौपानेले जानकारी दिइन । आँखा परिक्षण शिविर नगर बाल संजालका अध्यक्ष सुन्दास को सभापतित्व तथा सुन्दरहरैचा नगरपालिका वडा नम्बर ४ वडाध्यक्ष कैलाश बस्नेतको प्रमुख आतिथ्य रहेको थियो ।
आँखा परिक्षण शिविर समापन कार्यक्रममा लायन्स कल्ब अफ बलियाका अध्यक्ष रचना राई,टेन्डरफिट बोर्डिङ स्कुलाका प्राध्यानाध्यापक ऋषिराज रेग्मी , नगर बाल संजाल संरक्षक सुशील सुवेदी योगदान रास्ट्रका अध्यक्ष संयोग ढकाल , लियो कल्ब अफ बासबारिका उपाध्यक्ष बिप्लब कोइराला ,नव दृष्टि अस्पतालका चिकित्क्षक अर्जुन माझी लगायतको उपस्थित रहेको थियो ।
