इटहरी । सुनसरी ग्रिल तथा स्टील आल्मुनियम व्यवसायी एकता संघको चौथो साधारण सभा इटहरीमा सम्पन्न गरेको छ ।
इटहरी उद्योग वाणिज्य संघको सभा हलमा भएको साधारण सभामा ग्रिल तथा स्टिल आल्मुनियम व्यवसायीहरूको हक अधिकारका निमित्त बिभिन्न विषयहरूमा छलफल गरिएको थियो ।
कार्यक्रममा अधिकांस बक्ताहरूले बजारमा प्रतिस्पर्धाको व्यापार रहेपनि व्यवसायीहरू बिच एकरूपता हुन आवस्यक रहेको उल्लेख गरेका छन ।
कार्यक्रमका प्रमुख अतिथी घरेलु तथा साना उद्योग कार्यलय इटहरीका प्रमुख राजन पाण्डेले ग्रिल व्यवसायीहरूको अधिकारका निमित्त स्थापना गरिएको संघले व्यवसायीक हक हित संरक्षणमा जोड दिएर बढ्दै जान आग्रह गरेका थिए ।
कार्यक्रमका अध्यक्ष रमादेव चौधरीले धेरै जसो ब्यसायीहरू दर्ता प्रकृया भन्दा बाहिर गैर कानुनी ढंगले सञ्चालन भइरहेको प्रति ध्यानाकर्षण हुन सम्बन्धित निकायलाइ सुझाव दिएका छन ।
त्यस्तै उनले दोहोरो कर प्रणाली नमान्ने ,स्थानिय सरकारलाइ कर बुझाउन नसक्ने बताए ।
स्थानिय सरकारबाट अहिले सम्म कुनै प्रकारको सेवा सुविधा नलिएको बताउदै समस्या पर्दा भाग्ने लाइ कर नबुझाउने अध्यक्ष चौधरीले उदघोष गरे ।
कार्यक्रममा इटहरी उद्योग वाणिज्य संघका वरिष्ठ उपाध्यक्ष विष्णु डाँगी , हनुमान स्टिल सप्लायर्सका सञ्चालक गोपाल तिम्सिना , गोपाल मेटलइन्डस्ट्रिज प्राली.का कृष्ण कोइराला ,सुनसरी ग्रिल तथा स्टील आल्मुनियम व्यवसायी एकता संघ सुनसरी सचिव दिपेश बराइली लगायतले सुभकामना मन्तब्य राखेका थिए । कार्यक्रममा संघले जारी गरेको नयाँ वर्ष २०८२ को भित्ते पात्रो समेत सार्वजनिक गरेको थियो ।
