वराहक्षेत्र । बराहक्षेत्र नगर पालिकाको आयोजनामा भएको मेयर संग बालबालिका कार्यक्रम सम्पन्न भएको छ ।
वराहक्षेत्र नगर पालिकाले स्थानिय विद्यालयमा अध्यनरत विद्यार्थीहरुलाई सहभागि गराएर अध्यरत विद्यालयको समस्या र पालिकाले बाबालिका प्रती गर्नुपर्ने भुमिका विषयमा प्रत्यक्ष बालबालिकाको कुरा सुन्न मेयर संग बालबालिका कार्यक्रम आयोजना गरेको हो ।
वराहक्षेत्र नगरपालिकाका मेयर रमेश कार्कीलाई विद्यार्थी बालबालिकाले आफ्नो जिज्ञासा राखेका छन् ।
मंलवार नगरपालिकाले आयोजना गरेको मेयरसंग बालबालिका कार्यक्रममा सहभागी वालबालिकाहरुले आफ्नो प्रश्न तथा जिज्ञासा राखेका थिए ।
नगरपालिकाको सभाहलमा माध्यमिक तहका बिद्यालयबाट प्रतिनिधि मुलक रुपमा सहभागी भएका बिद्यार्थीहरुले मेयर कार्की समक्ष आ–आफ्नो समस्या तथा आवश्यक्ताका विषयमा कार्यक्रमको आयोजना गरेको नगरपालिकाका सामाजिक बिकास अधिकृत अरुण मेहताले बताए ।
वालबालिकाले राखेको लागू पदार्थ दुव्यसनीको समस्या , शैक्षिक गतिबिधि सरसफाईको अवस्था त्यस्तै भौतिक संरचना निर्माणको अवस्था , बिद्यालय प्रशासन र व्यवस्थापन समिति सहकार्य , परीक्षा व्यवस्थापन , बिद्यार्थीको सुरक्षा त्यस्तै बिद्यालयमा प्रविधिको व्यवस्थापन खेलकुद गतिबिधि , खेल सामाग्री बिज्ञान प्रयोगशाला , व्यहारिक शिक्षा प्राणाली लगायत जिज्ञासा र समस्याको विषयमा नगर प्रमुख रमेश कार्की र शिक्षा शाखाका प्रमुख उप– सचिब देवेन्द्र मल्लले जवाफ दिएका थिए ।
कार्यक्रममा नगर प्रमुख कार्की , नगर उप–प्रमुख नन्दकुमारी सुनुवार, प्रमुख प्रशासकीय अधिकृत गणेश बहादुर कटुवाल , शिक्षा शाखाका प्रमुख उप– सचिब देबेन्द्र मल्ल सहित लेखा अधिकृत विरेन्द्र यादब , सामाजिक विकाश अधिकृत अरुण मेहता , शिक्षा अधिकृत उत्तमराज भारती लगायतको सहभागीता रहेको थियो ।
