इटहरी। अभिभावकहरुलाई लक्षित गरी सुनसरीको झुम्कामा रहेको नव किरण इंगलिस वोडिङ स्कुलले पठनपाठनका विषय केन्द्रित अभिमुखिकरण कार्यक्रम गरेको छ ।
विद्यालय व्यवस्थापन समितिका अध्यक्ष दिव्यराज दाहालको अध्यक्षता तथा रामधुनी नगरपालिका उपप्रमुख तारा थापाको प्रमुख आतिथ्यमा रामधुनी ५मा रहेको नव किरण इंगलिस वोडिङ स्कुलले अभिभाकहरु लागि अभिमुखिकरण कार्यक्रम आयोजना गरेको हो ।
अभिभावकहरुलाई लक्षित गरि आयोजना गरिएको अभिमुखिकरण कार्यक्रममा विद्यार्थीहरुलाई कसरी सजिलो सिक्न तथा ज्ञान हासिल गराउन सकिन्छ । अभिभावकहरुले आफना छोरा छोरीको लागि कस्तो भुमिका खेल्नु पर्छ लगायतका विषयमा प्रितम पौडेलले सहजिकरण गरेका थिए ।
अभिभावकहरुलाई आफना छोराछोरीलाई कसरी पढाईमा केन्द्ति गर्ने देखि लिएर कसरी शिक्षा र सिप आर्जन गर्न गरिरहेका छन भन्ने विषयमा जानकारी गराउन कार्यक्रम आयोजना गरिएको स्कुलका प्रिन्सिपल होमराज पौडेलले जानकारी गराए । कार्यक्रममा भलिवलका पुर्व राष्ट्रिय खेलाडी सबुरलाल चौधरी लगायतको आतिथ्य रहेको थियो ।
