धनकुटा ,। महिला उद्यमशिलतामा जोड दिदै व्यवसाय सञ्चालन गरिरहेका धनकुटाका महिलाहरुलाई लक्षित गरी सञ्चालित डल ,कुशन लगायतका सामाग्री वनाउने एक महिने तालिम समापन भएको छ ।
धनकुटा नगरपालिका वडा नम्बर ६को समन्वय र घरेलु तथा साना उद्योग कार्यालय धनकुटाको आयोजनामा सञ्चालित एक महिने तालिम समापन भएको हो ।
भावना सिलाई कटाई प्रशिषण केन्द्रको प्राविधिक सहयोगमा सञ्चालन गरिएको डल,कुशन निर्माण सम्वन्धी एक महिने तालिममा धनकुटा नगरपालिका वडा नम्वर ६का ३० जना महिला उद्यमीहरुको सहभागिता रहेको थियो ।
तालिम समापन कार्यक्रममा घरेलु तथा साना उद्योग कार्यालय धनकुटाका प्रमुख इश्वर थापा , धनकुटा वडा नम्बर ६का वडाध्यक्ष मिलन खड्गी , तालिमकी प्रशिक्षक भावना मल्ल ठकुरी लगायतले तालिममा सहभागी महिलाहरुलाई प्रमाण पत्र प्रदान गरेका थिए ।