सुनसरी । सप्तकोशी नदीमा पत्रकार सवार मोटरबोट दुर्घटना भएको छ ।
सशस्त्र प्रहरी बल वराह बाहिनीको विपद् उद्धार परीक्षण कार्यक्रममा सहभागी हुने सुनसरीको चतराबाट उदयपुर तर्फ गईरहेको पत्रकार लगायतका सवारी मोटरबोट दुर्घटनामा परेको हो ।
सशस्त्र प्रहरीका गोताखोर तालिमको समापन सहित परिक्षण कार्यक्रममा सहभागी हुन गई रहेका पत्रकार लगायत १२ जना सवारी मोटरबोट दुर्घटनामा परेपछि गोताखोरको सहयताले दुर्घटनामा परेकाहरुलाई उद्धार गरिएको थियो ।
मोटरबोट दुर्घटनामा पत्रकारहरु कुमोद अधिकारी , महाप्रसाद खतिवडा , शम्भु पोखरेल , खेम सापकोटा लगायत रहेका छन । दुर्घटनामा घाइते भएका रेडियो नेपालका कुमोद अधिकारीको वीपी कोइराला स्वास्थ्य विज्ञान प्रतिष्ठान धरानमा उपचार भईरहेको छ भने अन्य सामान्य घाइते भएका थिए ।
