इटहरी । चाडपर्वको अवसर पारेर हरेक वर्ष शुभकामना आदान प्रदान साथै चियापान कार्यक्रम गर्दै आएको नेपाली काँग्रेस इटहरी उपमहानगर समितिले यस पटक पनि शुभकामना आदानप्रदान तथा चियापान कार्यक्रमको आयोजना गरेको छ ।
नेपाली काँग्रेस इटहरी उपमहानगर समितिका वार्यवाहक सभापति बालकृष्ण विष्टको अध्यक्षता तथा नेपाली काँग्रेसका केन्द्रीय सदस्य राजिव ढुंगानाको प्रमुख आतिथ्यमा शुभ कामना आदानप्रदान तथा चियापान कार्यक्रम सम्पन्न भएको हो ।
उद्योग वाणिज्य संघको सभा हलमा भएको चियापान कार्यक्रमका बक्ताहरुले पार्टीका विभिन्न पक्षका विषयमा चर्चा गरेका थिए । 
कार्यक्रममा नेपाली काँग्रेस इटहरीका सभापति तथा इटहरी उपमहानगर पालिकाका प्रमुख हेमकर्ण पौडेल , टे«ड युनियन काँग्रेसका केन्द्रीय उपाध्यक्ष ज्योति कोइराला , काँग्रेस नेता विकास केसी , कोशी प्रदेश सदस्यहरु भिम पौडेल ,सुर्य राई , क्षेत्र नम्वर २ का महाधिवेशन प्रतिनिधि रमेश पोखरेल ,कार्यक्रममा इटहरीका काग्रेस वडा सभापतिहरु लगायतको सहभागिता रहेको थियो ।
