इटहरी । इटहरी उपमहानगरपालिका वडा नम्बर ४ कुवेर चोकमा चाडपर्व केन्द्रित शुभकामना आदान प्रदान कार्यक्रमको आयोजना गरिएको छ ।
पुर्वेली क्लव इटहरी तथा सुनाखरी टोल विकास संस्थाले संयुक्त रुपमा दशैं,तिहार तथा छठ पर्वको अवसर पारेर शुभकामना आदान प्रदान कार्यक्रम आयोजना गरिएको हो ।
पुर्वेली क्लव तथा सुनाखरी टोल विकासका अध्यक्ष झलक बनको अध्यक्षता तथा समाजसेवी रमेश विष्टको प्रमुख आतिथ्यमा भएको शुभकामना आदान प्रदान कार्यक्रममा चाडपर्वहरु सुखद रुपमा मनाउनु पर्नेमा जोड दिइयो ।
कार्यक्रमका वक्ताहरुले चाडपर्व आफनो धर्म संस्कृति मान्नका लागि मनाउने भएकाले फजुल खर्च नगर्न समेत आग्रह गरिएको थियो ।कार्यक्रममा जनता कलेज इटहरीका अध्यापक केवल फुयाल , समाजसेवी रमेश खत्री लगायतले वोलेका थिए ।
