इटहरी । यही माघ २० गते प्रर्दशन हुन लागेको नेपाली चलचित्र ह्यारीकी प्यारीको प्रमोशनका लागि नायिका साम्राज्ञी राज्यलक्ष्मी शाह सहित टिम इटहरी आएको छ ।
प्रर्दशनको तयारीमा रहेको चलचित्र ह्यारीकी प्यारीमा रहेका गितहरु गाएर प्रमोशनका लागि आएको कलाकारहरुको टिमले कस्तुरी एकेडेमीका विद्यार्धीलाई मनोरञ्जन प्रदान गरेको हो ।
प्रमोशनका लागि लागि आएका अभिनेता जितु नेपालले कस्तुरी एकेडेमीमा आयोजित कार्यक्रममा हास्य प्रस्तुति गरेका थिए भने अभिनेत्रि साम्राज्ञीले चलचित्रका विषयमा जानकारी गराइन ।
त्यसै गरी गायिका वेनिशा पौडेल लगायतले चलचित्रमा रहेका गितहरुको प्रस्तुति गरेका थिए । कार्यक्रममा कस्तुरी कलेजका विद्यार्थीले नृत्य सहित सास्कृतिक प्रस्तुति गरेर कलाकारहरुलाई स्वागत गरेका कलेजका प्राचार्य कमलेश शर्मा पौडेलले जानकारी दिए ।
कस्तुरी परिवारले समय समयमा विद्यार्थीकै सहभागितामा सास्कृतिक कार्यक्रमहरु समेत गर्दै आएको छ ।
