इटहरी । नेपाल कम्युनिष्ट पार्टी एकीकृत समाजवादीका अध्यक्ष माधवकुमार नेपालले एमाले केपी ओलीको नीजि प्राइभेट कम्पनी भई सकेको आरोप लगाएका छन ।
सुनसरीको इटहरीमा १ नम्बर प्रदेस स्तरिय पार्टीको प्रथम भेला तथा प्रशिक्षण कार्यक्रमलाई सम्वोधन गर्दै अध्यक्ष नेपालले चितवनमा सम्पन्न एमालेको अधिवेशनले जनताको बहुदलीय जनवादको खिल्ली उडाउयो क्यक्ति पुजाको संस्थार हुर्काएको समेत आरोप लगाएका हुन ।
विचार मिल्नेहरु एक ठाउँमा हुन्छन भन्ने कुरालाई प्रमाणित गर्दै संविधानलाई नमान्ने गणतन्त्रलाई उल्टाउन चाहने राप्रपा र ओली नेतृत्वको एमाले एक ठाउँमा उभिने अवस्थामा पुगेको समेत नेकपा एसका अध्यक्ष नेपालले टिप्पणी गरे । उनले संविधान र गणतन्त्रको रक्षाका लागि पाँच दलिय गठवन्धन भएको समेत स्पष्ट पारे । एमाले छोडेर केही महिना अघि मात्र नेकपा एकीकृत समाजवादी स्थापना गरेका नेपालले मन्तव्यको धेरै समयमा ओलीको आलोचनामा खर्चिएका थिए । 
कार्यक्रममा नेकपा एसका सचिव राजेन्द्र राईले , सुनसरी जिल्ला इञ्चार्ज महफुज अंसारी लगायतले भेलालाई सम्वोधन गरेका थिए ।
संगठन विस्तार अभियान अन्र्तगत बुधबार सम्म चल्ने प्रशिक्षण कार्यक्रममा पार्टीका । प्रशिक्षण कार्यक्रममा केन्द्रीय उपाध्यक्ष तथा प्रशिक्षण विभाग प्रमुख प्रमेश हमालले दक्षिणपन्थी अवसरवाद तथा विसर्जनवाद विरुद्धको संघर्ष उपमहासचिव तथा प्रचार विभाग प्रमुख जगन्नाथ खतिवडाले पार्टी कार्यमा प्रचारात्मक कार्यको महत्वबारे र पार्टी सचिव तथा प्रदेश नम्बर १का मुख्य मन्त्री राजेन्द्र राईले प्रदेश सरकारको अवस्था र कार्य योजना विषयमा प्रशिक्षण दिने जनाइयो । प्रदेश नम्बर १का अध्यक्ष वलदेव चौधरीको अध्यक्षतामा भएको कार्यक्रममा उपाध्यक्ष तथा प्रदेश इञ्चार्ज धनेन्द्र बस्नेत लगायतका अतिथीहरुको सहभागिता रहेको थियो ।
((
