विराटनगरमा महानगरपालिकामा थप ८६ जनालाई कोरोना संक्रमण पुष्टि भएको छ । पछिल्लो २४ घण्टामा महानगरपालिका भित्रका ८६ जनालाई कोरोना संक्रमण पुष्टि भएको हो ।

प्रदेश १ सामाजिक विकास मन्त्रालयका अनुसार ३२ महिला र ५४ पुरुषमा कोरोना संक्रमण पुष्टि भएको हो । योसँगै विराटनगरमा कोरोना संक्रमितको संख्या ५६६ पुगेको छ ।

संक्रमित मध्ये ८६ जना कोरोना मुक्त भएका छन् । सात जनाको कोरोना संक्रमणका कारण मृत्यु भएको छ । आइतबार विराटनगर- २ तीन पैनीकी ५० वषिर्य महिलाको विपी कोइराला स्वास्थ्य विज्ञान प्रतिष्ठान धरानमा मृत्यु भएको थियो ।

प्रदेश १ मा १०३ जनामा कोरोना संक्रमण पुष्टि भएको छ । मोरङमा ९२, इलाममा १, खोटाङमा ६ र सुनसरीमा २ सहित प्रदेशमा १०३ जनामा संक्रमण पुष्टि भएकेा हो । संक्रमित मध्ये २ जना प्रदेश २ का छन् ।

तपाईको प्रतिक्रिया