व्यवसाय भन्दा बढी सामाजिक व्यक्तित्वका रुपमा परिचित हुन् किड्स हाउस सपिङ सेन्टरका सञ्चालक अनिल सुब्बा (काका) । व्यवसाय त जीवन धान्ने पाटो हो तर सामाजिक सेवा भावले मानिसलाई लोकप्रिय बनाउने र त्यसैले आत्मसन्तुष्टि दिलाउने उनको अनुभव छ । व्यवसाय र समाजसेवालाई सँगसँगै लैजान सफल सुब्बा रेडिमेड व्यवसायी संघको कोषाध्यक्ष, म्याङ्ग्बो कल्याणकारी संघका केन्द्रीय सदस्य, नेपाल रेयुकाईका पूर्वाञ्चल सल्लाहकार समेत रहेका सुब्बा व्यापारीहरुमाझ काका उपनामले चिनिन्छन् । इटहरीमा विगत लामो समयदेखि व्यसाय गर्दै आएका सुब्बा विशेषतः आफ्नो सामाजिक पहिचानकै कारण लोकप्रिय बन्न सफल भए । उनलाई नजिकबाट चिन्नेहरुले समेत उनलाई व्यवसायिक भन्दा पनि सामाजिक व्यक्तित्वका रुपमा नै प्रस्तुत गर्छन् । उद्योग वाणिज्य संघको आगामी असार १४ गते हुन लागेको निर्वाचनमा भीम पौडेलको साझा समूहको वाणिज्य तर्फको सदस्य पदका उमेद्वार सुब्बा यिनै सामाजिक सेवा भावका कारणले गर्दा आफूले चुनाव जित्ने दावी गर्छन् । उनी भन्छन्, ‘व्यवसायी साथीभाइहरुलाई आफूले गर्नसक्ने सम्मको सबै सहयोग गरेको छु, उहाँहरुको समस्यालाई आफ्नै समस्या ठानेर समाधानका लागि हरसम्भव प्रयत्न गरेको छु त्यसैले सबै व्यवसायी साथीहरुले मलाई सहयोग गर्नुहुन्छ भन्ने कुरामा म विश्वस्त छु ।’

तपाईको प्रतिक्रिया