नेकपा विप्लव समूहका कार्यकर्ता भन्दै प्रहरीले पक्राउ गरेका मोरङ कानेपोखरी ६ का सुदिप भनिने कंश धिमाल र उर्लाबारी २ सालघारीका केन्द्रलाल धिमाल आफ्नो कार्यकर्ता नभएको दाबी गरेको छ । यता प्रहरीले भने पक्राउ गरिएका अशोक राई विप्लव समूहको जिल्ला जनपरिषद प्रमुख तथा कंश धिमाल सक्रिय कार्यकर्ता रहेको दाबी गरेको थियो । धिमाल यसअघि २०६६ सालमा झापा दमकको लक्ष्मी बैंक लुटपाट घटनामा ७ वर्ष कैद भुक्तान गरिसकेका तथा उर्लाबारी मोरङ प्रहरीले विप्लव समूहका जिल्ला सदस्य अशोक राईसहित धिमालद्वयलाई ५ थान हतियारसहित भिन्नभिन्न स्थानबाट पक्राउ गरेको थियो । नेपाल कम्युनिष्ट पार्टी मोरङका सेक्रेटरी आभाषले मंगलबार एक विज्ञप्ति जारी गर्दै पक्राउ गरेको कंश र केन्द्रलाल धिमालले आफ्नो पार्टीको छवि धुमिल्याउने गरी विगतदेखि गतिविधि गरेको र उनीहरुसँगै जोडेर पार्टीका जिल्ला सदस्य अशोकलाई फसाएको उल्लेख छ । विज्ञप्तिमा भनिएको छ :- ‘विभिन्न छापा र विद्युतीय संचारमाध्यामहरुबाट कानेपाखरी ६ का सुदिप भन्ने कंश धिमाल र उर्लाबारी २ सालघारीका केन्द्रलाल धिमाल (जो हाम्रो पार्टीसँग आवद्ध छैनन्) समेतको गिरिफ्तारीलाई नेकपा कार्यकर्ता नै हतियारसहित पक्राउ गरिएको निज द्वय धिमालहरुको विगत गलत आवरणलाई हाम्रो पार्टीको छवि धमिल्याउने गरि जोडेकोमा हाम्रो पार्टीको गम्भीर ध्यानाकर्षण भएको छ’

तपाईको प्रतिक्रिया