रुबिनाको उत्कृष्ट प्रदर्शनमा प्रदेश एक ८ विकेटले बिजयी

महेन्द्रनगर / प्रधानमन्त्री कप महिला टि-२० क्रिकेट प्रतियोगिताको तेस्रो दिनको पहिलो खेलमा प्रदेश १ बिजयी भएको छ् । प्रतियोगिताको पाँचौ खेलमा प्रदेश नम्बर २ र प्रदेश १ वीचको खेलमा प्रदेश २ ले टस जितेर पहिला ब्याटिङ गर्ने निर्णय गरेको थियो । फलस्वरूप प्रदेश २ ले निर्धारित २० ओभरमा ९ विकेट क्षति मात्र ७१ रन बनाउन सकेको थियो । प्रदेश २ का लागि शान्ति चौधरीले सर्वाधिक ४८ बल खेल्दै सर्वाधिक १४ रन बनाउदा शोभा आले र सरस्वती चौधरीले समान १३/१३ रन बनाउनुबाहेक अन्य खेलाडीले दोहोरो स्कोर जोड्न सकेनन्।बलिङतर्फ प्रदेश २ का लागि कप्तान रुविना क्षेत्रीले ४ ओभर बलिङ गर्दै १६ रन खर्चेर सर्वाधिक ४ विकेट लिन सफल हुँदा अप्सरी बेगमले ३ ओभर बलिङ गर्दै १२ रन खर्चेर महत्त्वपूर्ण २ विकेट लिन सफल भइन । ७२ रनको झिनो विजयीलक्ष्य पछ्याउँदै मैदान उत्रेको प्रदेश १ ले निर्धारित २० ओभरको खेलमा १४.२ ओभर खेल्दै २ विकेट क्षति ७५ रन बनाउदै रोमाञ्चक ८ विकेटको जित आफ्नो नाममा दर्ता गराउन सफल भएको छ।ब्याटिङतर्फ प्रदेश १ का लागि कप्तान रुविना क्षेत्रीले सर्वाधिक ४५ बल खेल्दै अविजित २६ रन बनाउदा काजोल श्रेष्ठ १९ रन,रोमा थापा १४ रन तथा अप्सरी बेगमले अविजित ४ रन बनाउदै आफ्नो टिमलाई रोमाञ्चक ८ विकेटले जिताउन सफल भइन।बलिङतर्फ प्रदेश २ का लागि सन्तोषी चौधरी र सरस्वती चौधरीले समान १/१ विकेट लिन सफल भएपनि आफ्नो टिमलाई जित भने दिलाउन सकिनन । प्रतियोगिताको पांचौ खेल प्रदेश १ ले ८ विकेटले जित्न सफल भएको छ।खेलकी वुमन अफ दी म्याच प्रदेश १ कि कप्तान रुविना क्षेत्री घोषित हुन सफल भएकी छिन । प्रतियोगिताको छैटौं खेल प्रदेश ५ र गण्डकी प्रदेशवीच दिउँसो ३ बजेदेखि सुरु हुनेछ।