कल्पना कार्की । बराहक्षेत्र । सुनसरीको बराहक्षेत्र नगरपालिका ३ नडाह बाट चतराको कोशी पुल सम्म पुग्ने ११ किलोमिटर बाटो भर्खरै मात्र निर्माण गरिएको बाटो हो । कालिका कन्ट्रक्सनले हालै पूरा गरेको उक्त सडक अहिले बिच बिचमा पहिरो गएको हुनाले यो सडक खण्डमा आवत जावतमा समस्या आएको छ । यहाँ बाट धेरै मानिसहरु कोशी पुल हुँदै उदयपुरको बेलका नगरपालिका , भोजपुरको दक्षिणी क्षेत्र हतुवागढी गाउँपालिका साथै धार्मिक पर्यटकिय स्थलले चर्चित बराहक्षेत्र मन्दिर जाने भक्तजनहरु आवतजावत गर्ने गर्दछ्न । बाटोमा भिरबाट झरेको पहिरो र बर्षाका कारण ठाउ ठाउँमा बाटो चिप्लो र हिलाम्मे भएको छ । समयमा पहिरो नहटाउदा आवतजावतमा कठिनाइ परेको छ । हरेक बिहीवार लाग्ने चतराको बयरबन बजारमा सामान बिक्री गर्न आउने ब्यापारी तथा किनमेल गर्न आउने ग्राहकलाइ यो सडकले समस्यामा पारेको व्यापारी महेश राई बताउँछन् । भिरको भित्तामा कतै पनी रेस्टिक्टेड वाल बनाएको पाइदैन जसको कारण भिरको माटो बर्षाले सिधा पक्की सडकमा ल्याउने गर्दछ । बाटोमा धेरै वटा घुम्तिहरु छन् । तर कहिँ पनि ट्राफिक चिन्ह नभएकोले पनि दुर्घटना हुन सक्ने खतरा छ , यस्तो अवस्थामा मोटर साइकल लिएर बाटो पार गर्न अत्यन्तै गाह्रो भएको बताउछन मन्दिर दर्शन गर्न हिडेका मोरङ्का ४७ बर्षिय श्याम खतिवडा । त्यस्तै बराहक्षेत्र ४ का नवीन अधिकारी परिवार सहित बराहक्षेत्र मन्दिर दर्शनका लागि जादा परिवार सहित आफू लाई पनि झन्डै बाढिले बगाएको बताउँछन् । बाटोमा पहिरोले ल्याएको समस्या सिधा आफू संग आउने र कहिले आफुले कालिका कन्ट्रक्सनमा जानकारी गरेर बाटो खुलाउने कहिले कन्ट्रक्सन आफैले भन्नू पुर्वनै बाटोको पहिरो हटाइ आवत जावत खुलाउने गरेको बताउछन बराहक्षेत्र १ का वडा अध्यक्ष सुरेश श्रेष्ठ । बाटोमा किन कुनै पनि ट्राफिक चिन्ह हरु छैन भन्ने प्रश्नमा हरेक ठाउँमा ट्राफिक चिन्ह र साबधानिका लागी रात्री बल्ने इलेक्ट्रोनिक लाइटहरु राखेको तर राखेकै ठाउ बाट हराएको वडाध्यक्ष श्रेष्ठले जानकारी दिए ।

तपाईको प्रतिक्रिया