चन्दन रौनियार /सुनसरी, भाद्र २५ / सुनसरी जिल्लाको छुट्टा-छुट्टै स्थनमा सोमवार विहान सवारी दुर्घटनामा परी ३ जना घाईते भएका छन् । कोशी राजमार्ग अन्तर्गत धरानबाट गाईघाट जाँदै गरेको ना ५ ख ६५६६ नम्बरको बस आँफै अनियन्त्रित भई बिहान ६ बजे सडकमा पल्टिएको थियो । दुर्घटनामा परि बसमा सवार सुनसरी धरान उप-महानगरपालिका-८ बस्ने १९ बर्षीया ईक्शा लिम्बु घाईते भई उपचारका लागि तरहरा स्थित स्थानीय मेडिकलमा पठाईएको छ । दुर्घटना पश्चात तत्काल चालक फरार रहेकोले खोजीकार्य भईरहेको प्रहरी चौकी तरहराले जनाएको छ । त्यसैगरी सुनसरी जिल्लाको दुहवी नगरपालिका-८ स्थित जुटमिल अगाडी बसले ट्रकलाई ठक्कर दिँदा बसमा सवार २ जना घाईते भएका छन् । ईटहरीबाट बिराटनगर आउँदै गरेको ना.३ ख ५६७८ नम्बरको ट्रकलाई सोही दिशाबाट आउँदै गरेको ना. ४ ख ९६३८ नम्बरको बसले पछाडीबाट ठक्कर दिएको थियो । ठक्करबाट बसमा सवार उदयपुर रामपुर ठोक्सिला नगरपालिका-४ बस्ने बर्ष ३५ को गौतम राई र निजकै श्रीमती बर्ष ३२ कि गीता राई घाईते भई उपचारका लागि सोनापुर स्थित स्थानीय मेडिकल पठाईएको छ । बस, ट्रक र दुबै जना चालकलाई ईलाका प्रहरी कार्यालय दुहबीको नियन्त्रणमा राखिएको प्रहरी निरिक्षक रामनारायण माझिले जनाएको छ
छुट्टा-छुट्टै स्थानमा सवारी दुर्घटना, ३ घाईते
