इटहरी । प्राकृतिक तथा कृमिम सौन्दर्यताले सिंगारिएको सुनसरीको इटहरीमा रहेको पर्यटकीय क्षेत्र तालतलैयामा आउने पर्यटकहरुको संख्या वर्षेनी वढी रहेपनि भत्कीएको धुलाम्मे र हिलाम्मे वाटोको कारण पर्यटकहरुले सास्ती भोग्नु परिरहेको छ ।

केही वर्ष यता देखि चर्चामा आएको पुर्वको एक पर्यटकीय क्षेत्र तालतलैया सम्म इटहरीबाट पुनिने सडक भत्कीएर धुलाम्मे र हिलाम्मे रहेको छ भने तरहरा तर्फबाट आउने बाटोको पुल निर्माण नभई सकेको कारण समेत आवतजावतमा समस्या हुदै आएको हो ।

इटहरी उपमहानगरपालिका वडा नम्वर २ र ३ को संगम स्थलको रुपमा रहेको तालतलैया बनभोजका साथै त्यहा रहेका तालहरुमा पाइडल वोटीगं ,जलपरी जस्ता पानीमा सञ्चालन हुने मनोरञ्जनका सामाग्रीहरुका कारण समेत पर्यतटकहरुको आकषणको केन्द्र वन्दै आएको छ । त्यसै गरी मिनी चिडिया खाना वाल उद्यानका सामाग्रीहरुले गर्दा पनि बालवालिकाहरुको लागि समेत आकर्षणको केन्द्रको रुपमा रहदै आएको छ । विभिन्न देशका मुर्तिकारहरुले वनाएका ढुंगाका मुर्तिहरु समेत रहेको तालतलैया क्षेत्रमा विभिन्न जातका रुखहरु भएको जगंल रहेको कारण समेत धेरै प्रजातिका चराहरु आउने मनोरम क्षेत्रको रुपमा विकसित वन्दै आएको छ । तर पनि तालतलैया सम्म आउइपुग्ने दुवै तर्फका बाटाहरु सहज नभएको कारण सास्ती भोग्नु परिरहेको तालतलैया विकास तथा संरक्षण समितिका पुर्व अध्यक्ष विरवहादुर लिम्वु गुनासो गर्दछन । उनले उपमहानगरपालिकासंग तालतलैया सम्म पुग्ने वाटो सहज वनाइदिन आग्रह गरे । अहिले तालतलैया पुग्न इटहरी बजार क्षेत्रबाट जाने वाटोको केही भाग सम्म कालोपत्रे गर्ने गरी काम भई रहेको भएपनि पुरै वनाइनु पर्नेमा तालतलैया विकास तथा संरक्षण समितिका पदाधिकारीको माग रहेको छ ।

तलतलैयामा जाडो मौषममा ठुलो संख्यामा वनभोज टोलीहरु वनभोज खान आउने गरेका छन भने इटहरी तथा आसपासका क्षेत्रका संघसंस्थाहरुले विभिन्न कार्यक्रम समेत गर्ने गरेका छन । त्यसै गरी मुलुककै विभिन्न ठाउँहरुबाट समेत विद्यालयहरुले विद्यार्थीहरुलाई अध्ययन अवलोकनका लागि ल्याउने गरेका छन ।

तपाईको प्रतिक्रिया