सुनसरी र मोरङमा अन्नबाली ठूलो क्षति

केही दिनयता परेको असिनापानीका कारण सुनसरी र मोरङमा अन्नबाली ठूलो क्षति पुगेको छ । असिनापानीका कारण गहुँ र मुसुरोको उत्पादनमा क्षति पुगेको हो । चैत्र अन्तिम र बैशाख पहिलो साता विभिन्न समयमा परेको असिनापानीका कारण गहुँ र मुसुरोलाई प्रतिकुल असर पारेको छ । असिनापानीको कारण खेतमै गहुंको बाला ढलेकाले दाना कुहिएर उब्जनी प्रभावित भएको हो । खेतमै ढलेको गहुँ पानीले भिजेका कारण गुणस्तरमा ह्रास हुने निश्चित छ भने अर्कोतर्फ पाकिसकेको गहुं भिजेपछि बिउको उमारशक्ति ह्रास हुने कृषि विज्ञहरुको भनाई छ । भिजेको गहुंको उमारशक्ति कम हुने भएकोले बिउको रुपमा प्रयोग गर्न उपयुक्त नहुने बिज्ञहरु बताउँछन् । जसले गर्दा आगामी बर्ष गहुंको बिउको समस्या देखिन सक्ने क्षेत्रीय कृषि निर्देशनालयले जनाएको छ । मोरङ र सुनसरीमा ३० हजार हेक्टर क्षेत्रफलमा गहुँ खेती गर्ने गरिएको क्षेत्रीय कृषि निर्देशनलायले जनाएको छ । सुनसरीमा १३४० हेक्टर र मोरङमा ५४५ हेक्टर गरेर जम्मा १८८५ हेक्टर क्षेत्रफलमा लगाइएको गहुंमा असिनापानीले क्षति पुगेको छ । पूर्वमा १ लाख १२ हजार हेक्टरमा गहुँ खेती गर्ने गरिएको क्षेत्रीय कृषि निर्देशनालय विराटनगरले जनाएको छ । असिनापानीले पु¥याएको क्षतिका कारण गहुंको मुल्य बढनुकासाथै आगामी बर्ष बिउको समेत अभाव हुने अवस्था सृजना भएको छ ।