दुहवी/स्थानीयतहको निर्वाचनमा दुहवीनगरपालिका १२ का एकजना वडाध्यक्षका उमेदवार सय जना कार्यकर्ता सहित नेकपा एमाले प्रवेश गर्नुभएको छ । संघिय समाजवादी फोरमका रामचन्द्र चौधरी एमाले प्रवेश गर्नुभएको हो । उहाँ गत स्थानीय तहको निर्वाचनमा लोकतान्त्रिक फोरमका खुशी लाल चौधरीसँग ७० मतले मात्र पराजीत हुनुभएको थियो । चौधरी दुहवीमा वौद्धिक, लोकप्रिय, ईमान्दार व्यक्तित्वको रुपमा परिचित हुनुहुन्छ । चौधरीलाई सुनसरी क्षेत्र नं. ३ का तर्फवाट बाम गठवन्धनकी साझा उम्मेदवार तथा नेकपा एमालेका बैकल्पिक केन्द्रिय सदस्य भगवती चौधरीले अविरमाला लगाए पार्टी प्रवेश गराउनुभयो । चौधरीले बिकास, समृद्धी र राजनितिक स्थिरताका लागि एमाले आवश्यक रहेकाले आफू एमाले प्रवेश गरेको वताउनुभयो । उहाँले तीन नम्वर क्षेत्रबाट पटक पटक जीतेका बिजय कुमार गच्छदार अवसरवादी र सत्ता भोगी मात्र रहेकोले यो क्षेत्रको विकास र सम्वृद्धिको लागि भगवती चौधरीको नेतृत्व आवश्यक रहेकोमा जोड दिनुभयो ।

तपाईको प्रतिक्रिया