नेपालमा कोरोना भाइरसको थप एक संक्रमित भेटिएका छन्।स्वास्थ्य मन्त्रालयले बुधबार कोरोनाको नयाँ संक्रमित भेटिएको पुष्टि गरेको छ। यो सँगै नेपालमा कोरोना संक्रमितको संख्या तीन पुगेको छ। यी मध्ये एकजना उपचारपछि निकाे भइसकेका छन्।

स्वास्थ्य तथा जनसंख्या मन्त्रालय स्वास्थ्य आपतकालीन परिचालन केन्द्रका सह–प्रवक्ता सागर दाहालले कोरोनाको तेस्रो संक्रमित भेटिएको पुष्टि गरेका छन्। अहिले मन्त्रालयमा त्यसबारे बैठक बसिरहेको उनले जानकारी दिए । काठमाडाै‌ंकाे टेकुस्थित शुक्रराज ट्रपिकल तथा सरुवा रोग अस्पतालमा ती बिरामी भर्ना गरी उपचार जारी छ।

‘भर्खरै तेस्रो संक्रमित व्यक्ति भेटिएको जानकारी आएको छ। रोगीको बारेमा विस्तृत जानकारी प्राप्त भइसकेको छैन’, सरुवा रोग तथा इपिडिमियोलोजीका प्रमुख डा. बासुदेव पाण्डेले   भने, ‘ती व्यक्तिको अहिले टेकु अस्पतालमा उपचार भइरहेको छ।’

तपाईको प्रतिक्रिया