हिन्दू नेपालीहरुको महान चाड दशैको माहोला चलिरहेको छ । दशैमा टिका टालो र खानपान सहित पिङको मजामा झुल्ने मानिसहरु धेरै हुन्छन् ।

विजयादशमीको दिन टिका लगाएपछि धर्ती छाड्नुपर्छ भन्ने मान्यता पनि रहेको छ । गाउँघरमा दशैको टिका लगाएपछि टिका र जमराले पिङमा पुजा गरेर खेल्ने चलन पनि रहेको छ । बालबालिका र युवाहरुले पिङ लेख्न टिका कुर्दैनन् । तपाईको घर वरपर हालिएका पिङमा खेल्नेको भिड भइसकेको होला ।

गाउँघरमा बासको लिङ्गा ४ तर्फ राखेर लिङ्गे पिङ हालिन्छ । कसैकसैले पिपल, स्वामीको रुखमा पनि पिङ हाल्छन् । पिङमा उठेर, बसेर दुईजना बसेर पनि खेलिन्छ ।

तपाईहरुलाई पनि पिङ खेल्न मन पर्छ होला । पिङ खेल्दा रमाइलो मात्रै हुँदैन स्वास्थ्यका लागि पनि फाइदाजनक हुन्छ । दशैको समयमा धेरै मासु लगायत विभिन्न परिकार खाइने हुदा पिङ खेल्दा शरीरले कसरत पाउँछ र खाएका खानेकुरा पचाउन सहयोग गर्छ ।

पिङले सबैलाई फाइदा भने गर्दैन । केही व्यक्तिहरुलाई पिङमा केही समय मच्चिने वित्तिकै रिंगाटा लाग्ने समस्या हुन्छ । पिङ खेल्दा किन रिंगाटा लाग्छ हामी तपाईलाई यसबारे जानकारी दिदैछौं ।

पिङ खेल्दा किन लाग्छ रिंगाटा ?

– पिङ खेल्दा भित्री कानमा असर पर्दा रिंगाटा लाग्छ,

–ब्लडप्रेसर कम भएको व्यक्तिलाई पिङ खेल्दा रिंगाटा लाग्न सक्छ,

–पिङमा पच्चिदा मुटुको धड्कन असामान्य हुँदा रिंगाटा लाग्छ,

–पिङ खेल्दा तपाई मच्चिएको समयमा तपाईको आँखाको दृष्टिले सामान्य रुपमा काम गर्दैन त्यसकारण पनि रिंगाटा लाग्न सक्छ,

–ब्रेनमा समस्या भएको व्यक्ति हुनुहुन्छ भने पनि पिङ खेल्दा रिंगाटा लाग्छ,

–पिङ खेल्दा धेरै डराउने बानीले पनि रिंगाटा लाग्छ ।

कसरी खेल्ने पिङ ?

यदी तपाईलाई पिङ खेल्दा रिंगाटा लाग्ने समस्या हुन्छ भने बसेर अलिअलि मात्रै बच्चिएर पिङ खेल्न सकिन्छ । पिङ खेल्दा रिंगाटा लाग्ने व्यक्तिले धेरै मच्चिएर पिङ खेल्नु हुँदैन । पिङ खेल्दा आफ्नो शरीर र स्वास्थ्यलाई ख्याल गरिएन भने दुर्घटना हुनसक्छ ।

तपाईको प्रतिक्रिया