इटहरी । सुनसरीको इनरुवा खेल मैदानमा जारी दोस्रो मेयर कप रात्रीकालिन टि ट्वान्टी क्रिकेट प्रतियोगिता अन्तरगर्त गए रात्री भएका दुई खेलमा नेपाल पुलिस क्लव र नेपाल आर्मी क्लव विजयी भएका छन ।

वर्षाका कारण तीन दिन देखि रोकिएर पुन सुरु भएको खेलमा नेपाल पुलिस क्लवले वाइआरसीसी विराटनगरलाई र आर्मीले युनाइटेड क्रिकेट क्लव बिरगंजलाई हराएका हुन ।

समूह बी अन्र्तगत भएको पहिलो खेलमा बिभागीय टोली पुलिसले बिराटनगरलाई २० रनले हराएको थियो । टस जितेर ब्याटिगं रोजेको पुलिसले निर्धारित २० ओभरमा १सय ६३ रन जोडेको थियो । पुलिसका लागि दिलीप नाथले ४५ र अमित श्रेष्ठले ४० रन बनाएका थिए भने योगेन्द्र कार्कीले २३ र प्रेम तामागंले अविजित १७ रनको पारी खेलेका थिए ।

१ सय ६४ रनको लक्ष्य पछ्याउदै ब्याटिगं थालेको बिराटनगरले पुरै २० ओभर खेलेपनि १ सय ४३ रन मात्र जोड्न पुगी पुलिससंग २० रनको झिनो अन्तरले स्तव्ध बन्न पुग्यो । ।

त्यसै गरी गए राती नै भएको दोस्रो खेलमा नेपाल आर्मी क्लबले युनाइटेड क्रिकेट क्बल बिरगञ्जलाई १९ रनले पराजित गर्याे । १ सय ६९ रनको बिजयी लक्ष्यपछ्याएको बिरगञ्जले ८ विकेट गुमाएर १ सय ५० रन मात्र बनाए पछि आर्मी १९ रनले बिजयी भएको बन्न पुग्यो । बुधवार धनगढी क्रिकेट क्लव धनगढी र बोस्टन क्रिकेट क्लव विर्तामोड र समुह बी अन्र्तगतको पहिलो क्वाटर फाइनल खेल नेपाल पुलिस क्लब र नेपाल आर्मी क्लब विच हुने छ ।

तपाईको प्रतिक्रिया