बेलबारी, मोरङको बेलबारीमा लाग्ने सोमबारे हटियामा ब्यापारी र ठेकेदार बिच बिवाद उत्पन्न भएपछि सोमबारे हटिया लाग्न सकेन् । ब्यापारीहरुले ठेकेदार सँग बिवाद सिर्जना भएपछि हटिया बन्द गराएका हुन ।

ब्यापारीहरुले हटियामा पसल राखेको ठाँउ बापत ठेकेदारलाई ६० रुपैया बुझाउँदै आएकोमा साउन १३ गते एक्कासी १०० रुपैया मागेको र सोही बिषयमा बिवाद भएपछि हटिया बन्द गरिएको ब्यबसायी सुनिल खनालले बताए । उनका अनुसार एक्कासी ठेकेदारका मान्छेहरु आएर अभद्र ब्यबहार गर्दै १ सय नदिए पसल बन्द गर्नु भन्दै धम्की दिएपछि बाध्य भएर हटियाको दिन पसल बन्द गरेको बताए ।

ब्यापारीहरुका अनुसार गुण्डागर्दी शैलीमा ब्यापारीहरुमाथि अभद्र ब्यबहार भएको भन्दै उनीहरुले बिरोध जनाए । समस्या समाधान नभए अर्को साताबाट सब्जीपसल लगायतका पसलहरु समेत बन्द गर्ने उनीहरुले चेतावनी दिएका छन । नगरपालिका,ठेकेदार,ब्यापारीहरु र सम्बन्धित पक्षहरु सँग बार्ताको पहल भईरहेको बुझिएको छ ।

तपाईको प्रतिक्रिया