विराटनगर,मंसिर १७ ः सभामुख कृष्णबहादुर महराले संघीय सरकारले धेरै कानुन बनाउन बाँकी रहेकाले चाँडो भन्दा चाँडौ सरकाले हिउँदे अधिवेशन बोलाउनु पर्ने बताए । विराटनगर विमानस्थलमा आज स्थानीय संचारकर्मीसंगको कुराकानीमा सभामुख महराले पुसको पहिलो साता भित्र हिउँदे अधिवेशन बोलाउन सरकारसंग आग्रह गरे । सभामुख महराले २१ फागुन भित्र ३ सय बढी कानुन निर्माण गर्नुपर्ने समयसिमा छ,त्यसका लागि जतिसक्दौ चाँडो सरकारले हिउँदे अबिधेशन आब्हान गर्नु जरुरी भएको बताए । उनले हिउँदे अधिवेशन बोलाउने बिषयमा प्रधानमन्त्रीसंग पनि छलफल भई रहेको पनि जानकारी दिए । उनले संविधानत् २१ फागुन भित्रको एक बर्षको समयमा संघीय संसदले ३ सय बढी संविधानसंग बाझिएका कानुनहरको परिमार्जन र संसोधन गर्नु पर्ने जानकारी दिनुभयो ।त्यसका लागि समय अभाव रहेको उनको भनाई थियो ।अर्को एक प्रसंगका सरकारको काम गर्ने दिशा स्प्रष्ट भएपनि कार्यान्वयको पक्षमा फितलो भएको टिप्पणी गरे । उनले सरकारले पछिल्ला समय महिला हिंसा बिरुद्धको अभियान र योगदानमा आधारित सामाजिक सुरक्षा कोषको कार्यक्रम लोकप्रिय रहने बताए ।
