डडेलधुरामा हाइस दुर्घटनामा १७ जना घाइते भएका छन्। जिल्लाको आलिताल गाउँपालिका १, घण्टेश्वर मन्दिर नजिक हाइस दुर्घटना भएको हो।

भारतबाट फर्किएकाहरुलाई धनगढीदेखि बझाङतर्फ लैजादै गरेको सु.प.प्र.०१–००१–ख २३२३ नम्बरको हाइस आज बिहान करिव ३ बजेतिर दुर्घटनामा परेको प्रहरीले जनाएको छ।

दुर्घटनामा परी कैलालीको गोदावरी नगरपालिका६, का २५ वर्षीय शिवराज फुलारा, बझाङको तलकोट गाउँपालिका२, का ३० वर्षीय हिमाल माझी, २३ वर्षीय सुशीला धामी, ६० वर्षीय हिमकला रोकाया, २६ वर्षीय भक्त रोकाया, १८ वर्षीय दीपेन्द्र कुँवर, १८ वर्षीय अशोक कुँवर, ३५ वर्षीय मीनबहादुर कुँवर, ४६ वर्षीय गोरख कुँवर र ४२ वर्षीय गंग कुँवर घाइते भएका छन्।

यस्तै, बझाङको तलकोट गाउँपालिका२, का २४ वर्षीय अमृत धमेना, २६ वर्षीय वीरेन्द्र धामी, १८ वर्षीय रोशन कुँवर, २३ वर्षीय देव कुँवर, १८ वर्षीय जोवन धमेना, ७ वर्षीय पवन धामी र ६ वर्षीय अनुप रोकाया दुर्घटनामा परेर घाइते भएको प्रहरीले जनाएको छ।

घाइतेमध्ये माझी र फुलारालाई उपचारको लागि धनगढी पठाइएको जिल्ला प्रहरी कार्यालय, डडेलधुराका प्रहरी नायव उपरीक्षक दधिराम न्यौपानेले जानकारी दिए।

अन्यको भने डडेलधुरास्थित डडेलधुरा अस्पतालमा उपचार भइरहेको प्रहरी नायव उपरीक्षक न्यौपानेले बताए।

तपाईको प्रतिक्रिया