काठमाडौँ । राजा विरेन्द्रको वंशनास हुने गरि दरबार हत्याकाण्ड भएको आज १९ वर्ष पुगेको छ । विसं २०५८ जेठ १९ गते शुक्रबारका दिन भएको हत्याकाण्डमा राजा वीरेन्द्र शाहको वंश नै नाश भएको थियो । राजदरबारभित्र भएको गोली काण्डमा राजा वीरेन्द्रसहित रानी ऐश्वर्य, युवराज दीपेन्द्र, अधिराजकुमार निराजन, राजकुमारी श्रुती, शान्ति राज्यलक्ष्मी सिंह,शारदा राज्यलक्ष्मी शाह, शाहज्यादी जयन्ती राज्यलक्ष्मी शाह, कुमार खड्गविक्रम शाह र धीरेन्द्र शाहको हत्या भएको थियो। घटनामा कोमल शाह, शोभा शाही, कुमार गोरखशमशेर र केतकी चेस्टर घाइते भएका थिए।

घटनापछि तत्कालिन सरकारले छानबिन समिति गठन गरेपनि अझै हत्याको यथार्थ र सर्वसाधारणले चित्त बुझाउने खालको प्रतिवेदन आउन सकेको छैन्।जसका कारण यस दिन नेपाली इतिहासको एक कहालीलाग्दो दिनका रुपमा चित्रित भएर रहिरहेको छ।तत्कालि छानविन समितिले युवराज दिपेन्द्रले हत्या गरेको भनी अपुष्ट तथ्य सार्वजनिक गरेको थियो । तत्कालिन छानविन समितिको तथ्य अनुसार युवराज दिपेन्द्रले नै राजा विरेन्द्रको वंश नाश गरेको मानिन्छ । तर, यो प्रतिवेदनको दाबीलाई अहिले पनि आम नागरिक मान्न तयार छैनन् ।

दरबारमै कार्यरत उच्च पदस्त अधिकारीहरुले लेखेको किताबमा पनि दिप्रेन्द्रप्रति नै औला उठाइएको छ । तर, यस्ता किताबमा गरिएको दाबीलाई पनि नागरिकले स्विकारेका छैनन् ।केहिले त निश्चित ब्यक्तिलाई जोगाउन किताव लेखाएको भनेर समेत टिप्पणी गरेका छन् । मरेका दिपेन्द्रमाथि आरोप लगाएर अरुलाई चोख्याउन खोजेको नागरिकको आरोप छ । अत्यन्त रहस्यमय बनेको घटनाको निष्पक्ष छानविनको पटक पटक माग हुँदै आएको छ । दरबार हत्याकाण्ड भएको १९ वर्षमा दर्जनौ सरकार फेरिदा पनि कसैले छानविन गर्ने हिम्मत गरेका छैनन् ।

जनस्तरबाट अहिले पनि छानविनको माग हुँदै आएको छ। दरबार हत्याकाण्डको ७ वर्षपछि २०६५ जेठ १५ गते मुलुकबाट राजतन्त्र समाप्तिको घोषणा गरिएको थियो । राजा वीरेन्द्रपछि भाइ ज्ञानेन्द्र शाह राजगद्दीमा आसीन भएपनि उनी नै नेपालको इतिहासमा अन्तिम राजा बन्न पुगे ।

तपाईको प्रतिक्रिया