इटहरी / इटहरी नमुना कलेज इटहरीमा समाजीक कार्य र आम संचार अध्ययन गरेका पूर्व विद्याथीहरुको भेलाले ‘पूर्व विद्यार्थी समाज गठन गरेको छ ।भेलाले इटहरी नमुना कलेजको शैक्षिक उन्नयन र श्रीवृद्धिका लागि सहयोग पुर्याउँदै रचनात्मक क्रियाकलाप गर्ने उद्येश्यका साथ अंशु अधिकारीको अध्यक्षतामा ‘ इटहरी नमुना कलेज पूर्व विद्यार्थी समाज गठन गरेको हो । नव गठित समितिको उपाध्यक्षमा एलीना श्रेष्ठ , सचिव पुकार चौधरी , सह सचिब बिकल रेग्मी कोषध्यक्षमा प्रकास परीयार रहेका छन् । त्यस्तै सदस्यहरुमा एलीना कटवाल , नवल रिजाल लगाएत रहेका छन् । नव गठित समाजले इटहरी नमुना कलेज मा अध्ययन गरेका सबै पूर्व विद्याथीहरुलाई सहभागिता गराएर कलेजलाई रचनात्मक तथा सृजनात्मक सहयोग गर्दै क्याम्पसको भौतिक विकास तथा विद्यार्थीहरुको शैक्षिक स्तरन्नोति सहित कार्यक्रम गर्ने समाजका सचिव पुकार चौधरीले बताए ।

नवनिर्वा्चित अध्यक्ष अधिकारीले कलेजकोे चौतर्फी विकासका लागि भूतपूर्व विद्यार्थीहरुको सहयोग जुटाउन आफूहरु लागिपर्ने प्रतिबद्धता जनाइन । इटहरी नमुना कलेजले देशका लागी योग्य र दक्ष जनशक्ती बनाएको स्मरण गर्दै उनीहरुलाई कलेज प्रतिको दायित्व स्मरण गराउन समाजले भूमिका खेल्ने बताइन ।
त्यस्तै समाजले इटहरी नमुना कलेज इटहरीमा अध्ययन गरेका पूर्व विद्यार्थीहरु सरकारी निकायमा कार्यरत राष्ट्रसेवक कर्मचारी, निजी क्षेत्र संघ–संस्था, व्यवसाय वा कम्पनी सञ्चालक र कार्यरत कर्मचारी, जनप्रतिनिधि, लगायतको विवरण तयार गरी पुर्न मिलन को कार्यक्रम भव्यताको साथ आयोजन ागर्ने जानकारी दिएको छ । ‘पूर्व विद्यार्थीको सीप र क्षमता कलेजको विकासका लागि समाज गठन गरीएको हो ’, कलेजका अध्यक्ष केशव खडकाले भने ‘पूर्व विद्यार्थीको सुझाव लिएर कलेजकोको शैक्षिक र भौतिक विकासको लागि गुरु योजना निर्माण गछौं ।’ कलेजबाट उच्च शिक्षा हासिल गरेका पूर्व विद्यार्थीहरुको पहिचान गर्नु, विद्यार्थीहरुको वर्तमान अवस्थाका बारेमा जानकारी लिनु र कलेजका विभिन्न गतिविधिहरुमा प्रत्यक्ष सहभागिता गराउने लक्ष्य रहेको कलेजका प्राचार्य धर्म न्यौपानेले जानकारी दिए । साथै समाजीक कार्य र आम संचार विषयको स्नातक तहमा नेपालमै उत्कुष्ट भएको भन्दै कलेजले विद्यार्थीहरुलाई ग्रयाजुएसन प्रदान गरेको छ । यस्तो समारोह नियमित र नौलो नभएपनि त्यहाँ अध्ययनरत विद्यार्थी भने आफ्नो कलेजमा पहिलो पटक समारोह हुँदा दंग देखिन्थे । ग्रयाजुएसन समारोहमा बोल्दै कलेजका प्राचार्य धर्म न्यौपानेले आफूले सिकेको सीप र ज्ञान समाज रुपान्तरणमा लगाउन विद्यार्थीलाई आग्रह गरे । न्यौपानेले विद्यार्थीहरुको उज्ज्वल भविष्यको कामना गर्दै कलेज र विद्यार्थीबीच सहकार्य जारी रहने विश्वास व्यक्त गरे ।

 

तपाईको प्रतिक्रिया